![](https://blogger.googleusercontent.com/img/b/R29vZ2xl/AVvXsEiaUzGjHpWwYMTelJJcGk_OHqls6TFCNv56ZJap9XLBYIkCEySUgeqi5B5NmhXiblaZbuuvZJRMoupfKupC19EAznEKocD1xcEnfBTfsmTQGQvrDOfDoe331wo6wF9Vtr8XIE0oCFXUBNc/s400/rododendros+5.jpg)
Levaba varias primaveras observando como floreaban estes fermosos rododendros no xardín que hai á entrada do meu centro de traballo. Eu parábame, mirábaos, admirábaos e pensaba en retratalos; pero ían pasando os días, pouco a pouco empezaban a murchar e quedaban sen fotografar. Desta vez, atopei a ocasión axeitada e recollín as imaxes que aquí vos deixo. Para acompañar, música de Verdi e a voz de Nana Mouskouri.
![](https://blogger.googleusercontent.com/img/b/R29vZ2xl/AVvXsEgUhT-4VpR9M5jTHIt-4Ffw3dKyKYjNu6iAOgz7nrly8SjdK3VQjMOFPF0CAK5SfWWHsbrAEyoTs47II43T7zj2-w2i2k5OCAWSvEE08jgUmrMVq_dK0QwwyGpfbou21NxYmP7jCwA7B78/s400/rododendros+4.jpg)
![](https://blogger.googleusercontent.com/img/b/R29vZ2xl/AVvXsEgGv8pGThOmf8ZQ6Omz_RwG0UY1BDqEkDNr-JxIuAfwX4l6_-4jJ2W77e7IB4yfGD7dbh6rIjRphhxCARwPcUbCdyLxtLP1C8_EEhL4wTGltrvvfWxNpxblJPZI8mDfzg9tgL_uXw_JHPE/s400/rododentros+3.jpg)
![](https://blogger.googleusercontent.com/img/b/R29vZ2xl/AVvXsEhWxXmPJp6KQ4E-jFt_ZCpmqM9M9kIajKV9_Sqc2HXyP96uoDLefUahdIu-lh4LWu0fEZQBTm-JNaYhz_YWtkNpWwnsBcJ4YNyTJxCf2Q906aABOs64RJWVj4cRrWaImWla-8Zs0P6q18E/s400/rododendros+2.jpg)
![](https://blogger.googleusercontent.com/img/b/R29vZ2xl/AVvXsEgMw7TviuhXv4f9wvbiz-1kyO0cHME80p-M8YoQkynjAXvoQjqeKDHr3UwJzPit1H9c20tfcgYaH4tv3kTzvWvXIF5B0oTmPqsaniSzs1QuT2BTY8hAJN1Oy0ISL5rO8JFKa-1clqenK7s/s400/rododendros+1.jpg)
Explosión de cor á entrada. Derroche de alegría e diversión, sincronía de voces, xestos e movementos e moi bo ambiente entre os alumnos/as, que podedes apreciar neste lip dub gravado a pasada semana no IES Pintor Colmeiro de Silleda a prol do uso da Lingua Galega.
Tamén aquí, con mellor calidade: Galegando
Ademais, un vídeo que recolle imaxes Making off, gravado polo noso amigo Iván. Continúa a festa, Galegando!
5 comentarios:
Pasárono en grande co lipdub! Sorprendeume o ben sicronizado que estaba todo. Claro que aí estaba Suso (www.eticolmeiro.com), que é unha garantía cando se trata de mover xente sen que se produzan tensións. Moi divertido, Aura, e ti estabas a menos de corenta metros e non saíches venos!!!!!!!!!!!
Ben sabes que estaba ocupada; ademais, pasastes tan rápido...
Parabéns para os organizadores/colaboradores, para os participantes e para os cámaras (incluíndo a Iván co Making off). Continuemos Galegando!!!
Xenial explosión de cor floral na entrada para deixarnos despois abraiados co estourido festivo que amosa o video; o cal deixa ben ás claras o "bo rollo" e mellor pedagoxía que reina nese Centro.
Os meus prabéns a cantas persoas participan desa "empresa".
A ti, ademáis, o agradecemento por facernos partícipes desea festa.
Co teu permiso, vou facer andar este video na rolda de ProLingua
Os fermosísimos rododendros tamén perciben e sinten, orgullosos
eles (motivos teñen) o bo saber facer.
Bicos.O
O vídeo Galegando xa acadou máis de 4.500 visitas en Internet en pouco máis dunha semana.
O IES Leliadoura de Ribeira convídanos a participar no II Festival Audiovisual Galego-OlloBoi. Todos os detalles do certame poden consultarse nesta ligazón: www.rodaxe.info.
Hai varios premios en xogo, entre eles un que se outorga por votación en internet. Desde aquí anímote a que, se che apetece, lle deas un voto ao Lipdub Galegando do IES pintor Colmeiro de Silleda.
Moitas grazas.
Publicar un comentario