sábado, 29 de mayo de 2010

Xuntanzas


Xuntanzas, encontros ou meetings.

RedesparalaCiencia
(En relación con esta entrada, os primeiros 2:04 minutos).

Oye, por qué no miráis las hormigas...? Eduardo Punset.



Non sei se as ovellas pensan. Pero as ovellas das imaxes, naquela tarde na que ía tanta calor, decidiron xuntarse e agruparse para buscar o fresco á sombra das súas cabezas. E non vexo que haxa ningunha capitana dirixíndoas. Nin falta que lles fai!

Cando os animais rin
Nunha das súas marabillosas incursións, abrindo carreiros entre a zooloxía e a antropoloxía, Lévi-Strauss deixou dito que “os animais son bos para pensar”. Sabemos aínda pouco sobre cómo e o que pensan os animais. Por suposto hai xente, moi racionalista pero estreita de imaxinación, que rexeita a simple idea de atribuír “pensamento” aos animais, coma se esa posibilidade fixese cambalear toda a xerarquía da creación. Estou convencido de que estas persoas tan cartesianas cambiarían de opinión de teren, por exemplo, a fortuna de coñecer a Cotobelo, un canciño da miña familia […]
Manuel Rivas. A corpo aberto.

miércoles, 26 de mayo de 2010

Ézaro II



Estas imaxes son do "outro Ézaro". Non digo que non fose necesario construír a presa, pero creo que poderían intentar integrar a construcción da planta hidroeléctrica, as torres de alta tensión e o cableado que baixa dende a cima do monte ata o pobo e, ao mesmo tempo, respectar a paisaxe natural.
A min pareceume unha invasión inxustificada. Penso que as imaxes dan idea da agresión á natureza do lugar. Pode que estea esaxerando, pero estas tomas impactáronme.
Por se fose pouco, o Río Xallas era o único de Europa que desembocaba en fervenza. Este espectáculo, agora, só se pode desfrutar nas fins de semana cando abren as comportas.

domingo, 23 de mayo de 2010

Ézaro















Hai tempo, descubrín Ézaro en fotos
A semana pasada, tiven a oportunidade de subir ao Monte Pindo e observar en directo aquelas marabillosas paisaxes.
Despois, atopei Ézaro único

jueves, 20 de mayo de 2010

Tellados...



Continuamos co alfabeto e hoxe tócanos o “T”:

Tellados, toupa, tépedo, tenrura, treboada, teito, tecido, troula, taberna, teixo, talo, testemuña, tempo, tardiña, té, tarefa, traballo, teatro, traizón, troupeleo, tixola, teima, troita, tartaruga, tapia, tamén, tampouco, talvez, tallo, tanza, tapiz, tarabela, trebello, tarambaina, tea, tesoira, tecelán, terreo, terraza, tristura, timidez, toxo, trevo, tileiro, tizón, tolerancia, torta, triatlón, trunfo…


Talía, Tamara, Teodoro, Tareixa, Tania, Tito, Tegra, Tomás, Tatiana, Tomé, Telmo, Teodosia, Tirso…


lunes, 17 de mayo de 2010

Agromando


Agromando palabras

Fala a tarde baixiño
i o corazón sínteo…


Terra moura das montañas!
Boa terra que dás auga
e teis auga nas entrañas!


Anda o vento ceibe polos eidos
con tódalas áas soltas
empreña os castiñeiros
ripa as lousas dos teitos
i escachafoula nas portas…


Tronou ventou e choveo.
Bicouse a terra co ceo.
A noite que onte caíu
sólo foi pre quen’a oíu.

Ameteo o río. Ameteron as fontes
i os fontegallos dos montes.
Naz’a auga a golforón.
Regan os prados a cachón.


No bicarelo do bico do brelo
canta o paxariño.
No mesmiño
bicarelo do bico do brelo.


Canta a fontiña
canta a fontela
i anque a canción é dela
ten unha cousa miña
pola que podo entendela.

Uxío Novoneyra. Os Eidos.

Poema de Uxío Novoneyra

miércoles, 12 de mayo de 2010

O Galegando Lipdub


O vídeo Galegando Lipdub realizado hai dúas semanas no IES Pintor Colmeiro (Silleda) en prol da lingua galega e no que participou unha boa parte do alumnado, dun xeito ameno e divertido, tivo unha gran acollida e xa leva case 4.500 reproducións rexistradas. Acaba de ser seleccionado para participar no II Festival Audiovisual Galego-OlloBoi que organiza o IES Leliadoura (Ribeira). Hai varios premios, entre eles un que se outorga por votación a través de internet.
Se che apetece apoiar co teu voto o Galegando Lipdub do EtiColmeiro, podes consultar a seguinte ligazón: www.rodaxe.info

martes, 11 de mayo de 2010

Herbeiras



















Durante a miña camiñata de hoxe pola tarde, reparei nestas herbeiras a carón do Río Pontiñas (Lalín). Aínda que non lucía o sol, o verde intenso cautivoume. Estas son as imaxes que me apetece ofrecerche hoxe. De paso, recordamos este fermoso vídeo de Falabarato